.gif)
महेन्द्रनगर । भ्रष्टाचार मुद्दा लागेका बैतडीका तत्कालीन जिल्ला शिक्षा अधिकारी अमरपसद भट्टले सफाइ पाएका छन् । विशेष अदालतले गत बिहीबार उनलाई सफाइ दिएको हो ।
भट्टमाथि २०७९ साल चैत १२ गते नियुक्ति नै नभएको व्यक्तिलाई झुट्टा सरुवा पत्रको आधारमा शिक्षक कायम गरी भ्रष्टाचार गरेको आरोपमा मुद्दा दायर गरिएको थियो । तत्कालीन जिल्ला शिक्षा अधिकारी भट्टले मनकुमारी अवस्थीलाई हुनैनाथ आधारभूत विद्यालय सल्सेनाको विद्यालय व्यवस्थापन समितिबाट नियुक्ति भएको भनी बिना कुने कागजात नियुक्तिको अभिलेखीकरण गर्न प्राविधिक सहायकलाई टिप्पणी उठाउन लगाइएको भनिएको थियो । प्राविधिक सहायकलाई टिप्पणी उठाउन लगाइ आफैले स्वीकृत गरी हुनैनाथ आधारभूत विद्यालयबाट बलैराज माध्यमिक विद्यालयमा सरुवा गरी तलबलगायतका सुविधा दिई ७४ हजार ९ सय २० रुपैयाँ भ्रष्टाचार गरेको आरोप थियो ।
तर सो मुद्दामा विशेष अदालतले भने भट्टलाई गत बिहीबार नै सफाइ दिएको हो ।
