.gif)
महेन्द्रनगर । जङ्गली हात्तीको आक्रमणबाट कञ्चनपुरमा एक जनाको मृत्यु भएको छ ।
आइतबार बिहान जिल्लाको लालझाडी गाउँपालिका– ४ डाडाँजाई बस्ने ५० वर्षीय रामदल रानाको हात्तीको आक्रमणबाट मृत्यु भएको कञ्चनपुर प्रहरीले जनाएको छ ।
जङ्गली हात्तीको समूह गाउँ पसेपछि भगाउनका लागि घरबाहिर गएर स्थानीय बासिन्दाहरूले होहल्ला गरेका थिए । सोही क्रममा हात्तीको आक्रमणमा परेर रानाको मृत्यु भएको बताइएको छ ।
अहिले हात्तीको समूह नजिकैको जङ्गलमा पसेको छ । प्रहरी टोली र निकुञ्जको टोली घटनास्थलमा खटिएको शुक्लाफाँटा राष्ट्रिय निकुञ्जका वरिष्ठ संरक्षण अधिकृत चन्द्रशेखर चौधरीले जानकारी दिए ।
