.gif)
महेन्द्रनगर । डडेल्धुरामा ‘डडेल्धुरा महोत्सव २०७८’ हुने भएको छ। अमरगढी नगरपालिकाको आयोजनामा चैत्र ८ गते देखी १० गते सम्म टुँडिखेलमा महोत्सव आयोजना गरिएको पत्रकार सम्मेलनको आयोजना गर्दै नगरपालिकाले जानकारी दिएको हो । रजत जयन्तीको अवसर पारेर प्रतिभा पहिचान तथा संस्कृति संरक्षणका लागि महोत्सवको आयोजना गर्न लागेको नगर प्रमुख विश्वेश्वरप्रसाद ओझाले बताए । निःशुल्क हेर्न पाइने महोत्सवले स्थानीय कला संस्कृतिको संरक्षण गर्ने नगर प्रमुख ओझाले बताए ।
महोत्सवमा सुदूरपश्चिमका राष्ट्रिय तथा स्थानीय कलाकारको प्रस्तुतिसँगै हुडकेली, छलिया, डेउडालगायतका स्थानीय प्रस्तुति हेर्न सकिने नगरपालिकाले जनाएको छ।
