.gif)
महेन्द्रनगर । कञ्चनपुरमा लागुऔषध खैरो हिरोईन सहित चार जना पक्राउ परेका छन् । पक्राउ पर्नेमा जिल्लाको बेलौरी नगरपालिका–८ का २३ वर्षिय दिनेश चौधरी, रामदास चौधरी, शुक्लाफाँटा नगरपालिका–२ झलारीका २५ वर्षीय सञ्जु सार्की र २५ वर्षीय प्रवेश धामी रहेका छन् ।
मंगलबार साँझ ईलाका प्रहरी कार्यालय बेलौरीबाट खटिएको प्रहरी टोलिले चौधरीलाई शंका लागी चेकजाँच गर्दा साईकलको सिट कभरमुनि लुकाई छिपाई गरी राखेको १०.७२ ग्राम लागु औषध (खैरो हेरोईन) बरामत गरेको हो । सोही कार्यमा संलग्न सार्की र धामीले चलाएको सु.प.प्र.०२-००३ प ३९९३ नम्बरको मोटरसाईकलसहित उनिहरुलाई नियन्त्रणमा लिई आवश्यक अनुसन्धान भइरहेको जिल्ला प्रहरी कार्यालय कञ्चनपुरले जनाएको छ ।
