.gif)
महेन्द्रनगर । वडादसैँको सातौँ दिन अर्थात् दुर्गा पक्षका अवसरमा देशभरका देवी मन्दिरमा भक्तजनको बिहानैदेखि भीड लागेको छ । वडादसैँका अवसरमा आजैदेखि एकादशीसम्म सार्वजनिक बिदा दिइएको छ । सरकारी कार्यालय, विद्यालयलगायत शैक्षिक संस्था सबै बन्द भएपछि आममानिस पर्व मनाउन व्यस्त भएका छन् । बिदा भएपछि बिहानैदेखि देशभरका शक्तिपीठमा भक्तजनको भीड लागेको हो । सामान्यत शनिबार पनि मन्दिरमा भीड लाग्ने गरेकामा आज दसैँको फूलपाती भएकाले भक्तजनको लर्को लागेको हो ।
सुदूरपश्चिमका केहि शक्ति पीठहरुमा अष्टमीको दिन बली दिने चलन भएकाले फुलपातीको दिनदेखि नै बलीको लागि मन्दिरमा जात्रा लग्ने चलन छ । महेन्द्रनगरको निङ्लाशैली मन्दिरमा अष्टमीको बलीको लागि आईतबार बलीका लागि रागाँ र खसीबोका लगिदै छ ।
