.gif)
दार्चुला । दार्चुलामा घाँस काट्ने क्रममा ढुङ्गा लागेर एक महिलाको मृत्यु भएको छ । जिल्लाको दुहुँ गाउँपालिका-१ बाच्पाली बस्ने दिलिप सिंह महरको ५० वर्षीय श्रीमती जयमती महरको मृत्यु भएको हो ।
घर देखि अन्दाजी ५०० मिटर टाढा रातापोड भन्ने स्थानमा आइतबार दिउँसो घाँस काट्ने क्रममा माथि भिरबाट ढुङ्गा खस्दा टाउकोमा गम्भीर चोट लागी घाइते भएकी थिइन् । घाइते भएकी महरलाई जिल्ला अस्पताल दार्चुला लगिएको र उपचारकै क्रममा अस्पताल मै उनको मृत्यु भएको प्रहरीले जनाएको छ।
यस सम्बन्धमा थप अनुसन्धान गरिरहेको प्रहरीले बताएको छ ।
