.gif)
महेन्द्रनगर । कञ्चनपुरमा आज बाक्लो हुस्सु लागेको छ । यो वर्ष पुस दोस्रो साताबाट कुहिरो लाग्न सुरु भएको हो ।
यसअघिसम्म यहाँको मौसम सफा रहेको थियो । बिहानैबाट घाम लाग्दा जाडो यामजस्तो महसुस हुन सकेको थिएन । आज बाक्लो कुहिरो लागेपछि चिसो बढेको महसुस भएको छ ।
मौसम सम्बन्धी जानकार व्यक्तीहरुका अनुसार भारतको हरियाणादेखि उत्तरप्रदेशसहित नेपालको पश्चिम तराईमा बाक्लो हुस्सु लागेको छ । दिउँसोतिर खुल्दै जाने भए पनि आगामी केही दिन बिहान, साँझ हुस्सु लाग्ने र तराईमा चिसो हुने उनिहरुको भनाइ छ ।
जल तथा मौसम विज्ञान विभाग मौसम पूर्वानुमान महाशाखाको आज बिहानको बुलेटिनअनुसार हाल देशमा उल्लेखनीय मौसमी प्रणाली छैन । हाल पहाडी भू–भागमा आंशिक बद्ली रही बाँकी भू–भागमा मौसम सामान्यतया सफा रहेको जनाइएको छ ।
