.gif)
महेन्द्रनगर । कञ्चनपुरको पुनर्वासमा मुक्त हलियाका लागी निर्माण गरिएका आवास गृह प्रयोग विहिन बनेका छन् । सरकारले रोजगारी तथा कुनै सिपमूलक कार्यक्रम नदिदा वडा नम्बर ९ ख गाउँका ३० घर प्रयोग विहिन बनेका हुन् ।
कमाएर खाने जग्गा जमिन टाढा भएकाले ३० परिवार रोजगारीको सिलसिलमा भारत गएका स्थानिय चन्द्र सुनारले बनाइन् । उनले भनिन्–“ मुक्त हलियाका लागी बनाएका ४२ घर मध्ये केही मात्रै बसेका छन् पुरै क्षेत्र सुनसान बनेको छ ।” जग्गा नहुदा आफु पाँच जनाको परिवार दैनिक मजदुरी गर्न जाने र साझँ सो भवनमा बस्दै आएकी उनले बताइन् । तर अन्य परिवारले भने रोजगारी नहुदा घरमा बस्न छाडेका उनले बताइन् ।
सरकारले आवास मात्रै हैनसमस्या हेरी रोजगारी तथा कुनै सिपमूलक कार्यक्रमको व्यवस्था गरिदिनु पर्ने मुक्त हलियाहरुको माग छ ।
पुनर्वासमा मुक्त हलिया सुरक्षित आवास कार्यक्रम अन्तर्गत वि.स. २०७७ सालमा निर्माण सम्पन्न गरि मुक्त हलिया बस्तीका निर्माण गरिएको थियो । ख गाउँमा अवस्थित उक्त हलिया बस्तीमा निर्माण भएका ४२ घर मध्ये धेरै रोजगारीको सिलसिलमा भारत गएकाले वस्ती रित्तो भएको वडा अध्यक्ष नारायण प्रशाद जैशीले जनाए । उनले भने,–“रोजगारीका लागी भारत भएका भन्ने बुझिएको छ, कोही २–३ वर्ष पछि पनी फर्किएर आउँछन् ।”
